《至丧档案高清晰版》
动漫简介
牛佬分镜起字加伦裕国无敌面相，辑录番《爽报》连载过嘅案件重温式漫画《至丧档案》试刊号擒日见街，横开度，封面用番旧画拼贴而成，大字标题「社会实况改编连环图，开拓香港漫画新气象」，呢十六个大字，你Buy唔Buy？全书有八个短篇故事，分别係〈淫间道〉、〈一屋两夫〉、〈一箭三鵰〉、〈毒男〉、〈驱鬼〉、〈网上情人〉、〈暴风少女〉同〈北嫂〉，每个故事开首都有段小文字简介，如无意外应该出自牛佬手笔。Total有64页，内容係平时薄装港漫一倍，应该好襟睇，公仔水準唔使担心，「伦裕国」三个字已经係金漆招牌，问题係之前喺免费报纸《爽报》有得睇，加阵要你科水廿二皮，抵唔抵就真係见仁见智。我捧开牛佬场，搭地铁又怕无聊手FingFing，如无意外都会买本消磨时间，不过性质实属旧瓶旧酒，连牛佬都唔敢用「创刊号」而用「试刊号」名之，可知呢本漫画都未必有下期。
[编辑简介]
动漫资料库
微信小程序
微信小程序